საუდის არაბეთის კლუბმა ალ-ნასრმა შესაძლოა კიდევ ერთი ვარსკვლავი დაიმატოს. საუბარი ბრაზილიელ მცველ მარსელოაზეა. ინფორმაცია ჟურნალისტმა აარონ დომინგესმა გაავრცელა.
დომინგესისვე ცნობით, ალ-ნასრში ფეხბურთელის მიყვანის ინიციატორი კლუბის ახალწვეული კრიშტიანუ რონალდუა, რომელიც მარსელოს ახლო მეგობარია. შეგახსენებთ, რომ რონალდუმ და მარსელომ რეალში ერთად 9 წლის განმავლობაში ითამაშეს და უამრავი ტიტული მოიგეს.
მარსელომ რეალი შარშან ზაფხულში დატოვა და ამჟამად ოლიმპიაკოსის ღირსებას იცავს, რომელთანაც კონტრაქტი 2023 წლის ზაფხულამდე აკავშირებს. ფეხბურთელმა ბერძენთა მაისურით 10 მატჩი ჩაატარა და 3 გოლი გაიტანა.