რუბლიოვის მოულოდნელი გამარჯვება ციციპასთან

იტალიის ქალაქ ტურინში სტარტი აიღო წლის შემაჯამებელმა ტურნირმა. პირველ ტურში, „მწვანე ჯგუფში“ ერთმანეთს ანდრეი რუბლიოვი და სტეფანოს ციციპასი დაუპირისპირდნენ.

რუსი ჩოგბურთელი უკანასკნელი პერიოდის განმავლობაში არადამაჯერებლად გამოიყურებოდა, ATP-ის ტურნირებზე გამართული ბოლო 6 მატჩიდან 4 წაგებული ქონდა, თუმცა, როგორც ჩანს ანდრეიმ მოახერხა და შემაჯამებელ ტურნირს მშვენიერ ფორმაში შეხვდა – პირველივე მატჩში საკმაოდ იოლად მოუგო ბერძენ ჩოგბურთელს 6:4 6:4.

null

1. რუსი ჩოგბურთელის პირველი ჩაწოდება ძალიან კარგად მუშაობდა – განსაკუთრებით პირველ სეტში. ანდრეი ფენომენალური სიზუსტით აწვდიდა და მატჩის ბოლოს რეალიზაციის 90% ქონდა.

2. მეორე ჩაწოდებაზე რუბლიოვს პრობლემები შეექმნა – გათამაშებული ქულების მხოლოდ 32% მოიგო, თუმცა შედარებით გამოასწორა სიტუაცია მეორე სეტის მეორე ნახევარში, როდესაც ეს ყველაზე მეტად იყო საჭირო.

3. მიღებაზე ანდრეიმ ძალიან კარგად ითამაშა – ჯამში 7 ბრეიკპოინტი გამოიმუშავა (4 სხვადასხვა გეიმში) – იდეალური სიზუსტით გზავნიდა ბურთებს კორტის სიღრმეში და პირველივე შანსისთანავე ცდილობდა დაეტვირთა სტეფანოსის ბექჰენდი, რაც ბერძენს მძიმე მდგომარეობაში აგდებდა.

4. სტატისტიკას რომ გადავხედოთ ვნახავთ, რომ ორივე ჩოგბურთელს 27-27 ვინერსი ქონდათ (საკუთარი აქტიური ქმედების შედეგად მოგებული ქულა), თუმცა ანდრეიმ თითქმის ორჯერ ნაკლები უნებლიე შეცდომა დაუშვა ვიდრე მისმა მეტოქემ 13-27.

5. ტურინში საკმაოდ სწრაფი კორტია, ამ ფაქტმა კი დიდი უპირატესობა მისცა რუბლიოვს, რომელმაც უკანა ხაზიდან შესრულებული დარტყმებით სათავისოდ გადაწყვიტა მატჩის ბედიც.

მატჩის მიმდინარეობა კი ასეთი გახლდათ – ორივე პარტია ძალიან გავდა ერთმანეთს – რუბლიოვმა როგორც პირველი, ასევე მეორე სეტის მეხუთე გეიმში შეასრულა ბრეიკი და შემდეგ მშვიდად მიიყვანა სეტი და მატჩი ლოგიკურ გამარჯვებამდე 6:4 6:4.

მწვანე ჯგუფის მეორე შეხვედრაში, მსოფლიო რეიტინგის პირველმა ჩოგანმა ნოვაკ ჯოკოვიჩმა 7:6 6:2 სძლია კასპერ რუუდს.
მეორე ტურში „ჯოკო“ რუბლიოვს ეთამასება, რუუდი კი ციციპასს.

Leave a comment

Your email address will not be published. Required fields are marked *