მოსალოდნელი ბრძოლა შედგა. სერბმა და შვეიცარიელმა ფეხბურთელებმა ერთმანეთს ბლომად ურტყეს კოჭებში, ერთმანეთისკენაც რამდენჯერმე გაიწიეს. მიმდინარე ჩემპიონატის ყველაზე უხვგოლიანი პირველი ტაიმიც ვიხილეთ. გამარჯვებულის და მერვედფინალის მერვე ევროპული გუნდის ვინაობა, როგორც მოგვიანებით აღმოჩნდა, რემო ფლეულერის მეორე ტაიმის დასაწყისშივე გატანილ გოლს გაურკვევია – შემდეგ ეტაპზე შვეიცარია ითამაშებს, რომელიც 6 დეკემბერს პორტუგალიას შეხვდება.
შესვენებამდე ოთხი გოლი ვიხილეთ. ჩაქირის გატანილს 15 წუტში ჯერ მიტროვიჩმა უპასუხა ჩინებული თაურით, შემდეგ ვლახოვიჩმა. თუმც სერბებმა ტაიმის დამთავრებამდე ერთი გოლიც ემბოლოსგან მიიღეს და გუნდები ერთმანეთს ორ-ორი გოლით დაშორდნენ. მერვედფინალში გასასვლელად სერბებს მხოლოდ მოგება სჭირდებოდათ, თუმც თამაშის განახლებისთანავე გოლი იქით მიიღეს. შემდეგ იყო ბევრი ბრძოლა, უხეშობა და ბოლოს შვეიცარიელთა სიხარული – ისინი მსოფლიო ჩემპიონატის მერვედფინალში ისტორიაში მერვედ გავიდნენ…
