უელსურ რაგბის პრობლემები არ ელევა. ამჯერად ამ ქვეყნის რაგბის სამყარო სექსიზმთან და რასიზმთან დაკავშირებულმა სკანდალმა მოიცვა. უელსის რაგბის კავშირის ყოფილმა თანამშრომლებმა ამ ორგანიზაციის ხელმძღვანელები სწორედ ასეთი სახის დისკრიმინაციაში დაადანაშაულეს.
ყოველივე ამის შედეგად თანამდებობიდან გადადგა უელსის რაგბის კავშირის აღმასრულებელი დირექტორი სტივ ფილიპსი. მის მოვალეობას დროებით ნაიჯელ ვოკერი შეასრულებს. შესაძლებელია, ფილიპსი პირველი კი არის, მაგრამ ბოლო არ იქნება, ვინც თანამდებობიდან გადადგება.