წლევანდელი უიმბლდონი 28 ივნისს იწყება. რალფ ლორენი (Ralph Lauren) კი ტურნირის ოფიციალური „ჩამცმელია.“ ამ ცნობილი ფირმის სამოსი ეცმევათ ხაზის მსაჯებს, მომსახურე გოგო-ბიჭებს და ა. შ.
ამჯერად, რალფ ლორენის ერთ-ერთი საუიმბლდონო სახე ტოტენჰემის 29 წლის კორეელი ვარსკვლავი, სონ ჰიუნ-მინია. სოციალურ ქსელებში უკვე გამოჩნდა მისი ფოტოები. სონი რალფ ლორენის ძვირფას ტანისამოსშია გამოწყობილი.
არის სარეკლამო რგოლიც, სადაც სონი ამბობს: „მნიშვნელოვანია, რომ ასეთი ტურნირი გვაქვს. ყველას უნდა გამარჯვება, მაგრამ ჩემპიონობა ერთეულების ხვედრია. მიუხედავად ამისა, ყველა მონაწილე დიდი პატივისცემის ღირსია“.
