ბრაზილიელმა რონალდომ Bobo TV-ში საინტერესო ამბებზე ისაუბრა. ფენომენი თვლის, რომ დღესდღეობით მსოფლიოს საუკეთესო თავდამსხმელი ქარიმ ბენზემაა.
„ბენზემა. ეს უეჭველად. მის მერე ლევანდოვსკი. ჰოლანდი მომავალში საუკეთესო გახდება, მაგრამ ჯერჯერობით ბენზემა და ლევანდოვსკი სჯობნიან.
…მბაპეც ძალიან ძლიერია. წავიკითხე, რომ მან რეალთან კონტრაქტი გააფორმა, რომლის მიხედვითაც წელიწადში 50 მილიონ ევროს მიიღებს. საოცარია. აშკარად სხვადასხვა დროს მოგვიწია თამაში“.
რონალდომ ყურადღება გაამახვილა დროში და მიდგომაში სხვაობებზე. ჩვენ დროს არანორმალურად ბევრი მეგობარი გოგონა გვყავდა, ახლანდელი ვარსკვლავები კი მოედანს მიღმა გაცილებით მოწესრიგებულები არიან, რეჟიმს იცავენ, სწორად იკვებებიან და დროულად იძინებენო.