ტეიტუმის 46 ქულით “ბოსტონმა” “მილუოკი” დაამარცხა

უაღრესად საინტერესოდ მიმდინარეობს საპლეიოფო დაპირისპირება “ბოსტონსა” და “მილუოკის” შორის. სერიის მეექვსე შეხვედრაში “ბაქსმა” საკუთარ მოედანზე უმასპინძლა “სელტიქსს” და მიუხედავად იანის ანტეტენკუმპოს 44 ქულისა, მეტოქესთან მაინც სოლიდური სხვაობით დამარცხდა 95:108.

null

NBA-ს მოქმედ ჩემპიონთა შეტევითი ტაქტიკა მხოლოდ იანის ანტეტენკუმპოზე იყო აგებული, რომელმაც მორიგი სოლიდური მატჩი ჩაატარა (44 ქულა+20 მოხსნა+6 პასი), თუმცა მხოლოდ ბერძენის კარგი თამაში არ გამოდგა საკმარისი ზემოტივირებული “ბოსტონის” დასამარცხებლად.

“სელტიქსის” რიგებიდან გაიბრწყინა ჯეისონ ტეიტუმმა, რომელმაც 46 ქულა, 9 მოხსნა და 4 პასი მოაგროვა. სოლიდურად გამოიყურებოდნენ ჯეილენ ბრაუნი (22 ქულა) და მარკუს სმარტი (21 ქულა). ლიდერთა ტრიომ ჯამში ყველა მეოთხედი მოუგო მასპინძელ გუნდს და დამსახურებული გამარჯვებაც იზეიმა (28:26 25:17 29:27 26:25).

null

შეხვედრაში ინტრიგა ერთადერთხელ “გაცოცხლდა” – ანტეტენკუმპოს მონდომებით “მილუოკიმ” 14 ქულიანი ჩამორჩენა 4 ქულამდე დაიყვანა, ძირითადი დროის დასრულებამდე კი 9 წუთი რჩებოდა. სწორედ აქ “ამოიფრქვა” ტეიტუმი, რომელმაც საკუთარი გუნდის 26 ქულიდან 16 ჩააგდო და მარტომ “დამარხა” “ბაქსის” იმედები.

საპლეიოფო სერიაში ანგარიში 3:3 გახდა. გადამწყვეტი მე-7 შეხვედრა ბოსტონის ლეგენდარულ საკალათბურთო TD GARDEN-ში გაიმართება – SHOW MUST GO ON!!!

Leave a comment

Your email address will not be published.