მომხიბლავი ვლადა სედანი, უკრაინული საფეხბურთო ტელეარხის რეპორტიორია. ის, თურმე, კარგა ხანი ხვდებოდა მან.სიტისა და უკრაინის ნაკრების ნახევარმცველ ოლექსანდრ ზინჩენკოს.
წყვილი ურთიერთობას მალავდა. და აი, 2019 წლის ივნისში, სერბეთთან მოგებული 5:0-ის შემდეგ, ფეხბურთელმა კიევის ოლიმპიურ სტადიონზე, უამრავი მაყურებლის თანდასწრებით სთხოვა ხელი ვლადას. აგვისტოში ისინი დაქორწინდნენ.
ზინჩენკო ახლა ნაკრებთან ერთად ევრო 2020-სთვის ემზადება. ვლადამ კი ორიოდ დღის წინათ, თავის ინსტაგრამში პოსტი დაწერა და გამომწერებს საკუთარი ფეხმძიმობის ამბავი ახარა.
