რაგბიში ევროპის რანგით მეორე საკლუბო ტურნირის ჩელენჯ კაპის პირველი ტურის სიმბოლურ ნაკრებში ერთბაშად 3 ქართველი მორაგბე მოხვდა. საუკეთესო თხუთმეტეული The Rugby Centre-მ დაასახელა და მასში საქართველოს ნაკრების მორაგბეები ბექა საღინაძე, დავით ნინიაშვილი (ორივე ლიონი) და გიორგი კვესელაძე (გლოსტერი) შეიყვანა.
ჩელენჯ კაპის ჯგუფური ეტაპის პირველ ტურში ქართველი მორაგბეების კლუბები სწორედ ერთმანეთს დაუპირისპირდნენ. ლიონმა შინ მიიღო გლოსტერი და 19:13 დაამარცხა. ამასთან ერთად, ნინიაშვილი მატჩის საუკეთესო მორაგბედ დაასახელს.
ლიონი ჯგუფური ეტაპის მომდევნო ტურში უელსურ ნიუპორტს ეთამაშება. გლოსტერის მეტოქე კი, იტალიური ბენეტონი იქნება.
