ლონდონის ჩელსიმ ოფიციალურ ვებ-გვერდზე ახალი ტექნიკური დირექტორის, კრისტოფერ ვიველის დანიშვნის შესახებ დაწერა. მანამდე 36 წლის სპეციალისტი ანალოგიურ თანამდებობაზე ლაიფციგში მუშაობდა. ადრე კი ზალცბურგსა და ჰოფენჰაიმში სკაუტობდა.
„ჩელსი მსოფლიოში ყველაზე საინტერესო პროექტს ახორციელებს და ამაყი ვარ, რომ ამ კლუბს შევუერთდი.
ახალ მფლობელს, ტოდ ბოელს, მთავარ მწვრთნელს გრემ პოტერს და კლუბის დანარჩენ წევრებს ნათელი წარმოდგენა აქვთ იმ ფილოსოფიაზე, რომელიც ახლა მკვიდრდება არისტოკრატებში. ფილოსოფია ინოვაციებზე და შედეგების ანალიზზეა დაფუძნებული“, – ამბობს ვიველი.
