UFC-ს ამომავალ ვარსკლავს, ხამზატ ჩიმაევს ლეგენდებთან ბრძოლა სურს. მან დღეს თვითერზე UFC-ს ყოფილი ორმაგი ჩემპიონი დენიელ კორმიე, ასევე ორი წონის ჩემპიონი ჯორჯ სენტ პიერი და მძიმე წონის ყოფილი ჩემპიონი, WWE-ს ვარსკლავი, ბროკ ლესნარი გამოიწვია.
ხამზატმა ცოტა ხნის წინ, გრეპლინგის წესებით დაპირისპირებაში ჯეკ ჰერმანსონი დაამარცხა, ამჯერად კი ოლიმპიურ პრიზიორთან, დენიელ კორმიესთან სურს იგივე გაიმეოროს:
“დისი, მოდი ჭიდაობის ბრძოლა ჩავატაროთ, რას ფიქრობ?”
ჩიმაევმა სენტ პიერსაც კითხვით მიმართა:
“UFC-ს ახალი მეფე ლეგენდის წინააღმდეგ, რას ფიქრობ ჯორჯ?”
რაც შეეხება ლესნარს, აქ ჩეჩენი უფრო რადიკალური იყო:
“მოდი ვიბრძოლოთ იქამდე, რომ მხოლოდ ერთმა დატოვოს გალია”
ხამზატის გამოწვევას მხოლოდ კორმიე გამოეხმაურა: “რეალური ჭიდაობის ბრძოლა? გიჟი ხარ ხამზატ? მიყვარს რომ თავდაჯერებული ხარ მაგრამ ეს 10-0 იქნება ჩემს სასარგებლოდ”.