დავით ხოჭოლავა დონეცკის შახტარს ტოვებს და კარიერას დიდი ალბათობით კოპენჰაგენში გააგრძელებს. დანიური პრესის ცნობით, ქართველი მცველი სამედიცინო შემოწმებას გაივლის და გუნდთან კონტრაქტს გააფორმებს.
კოპენჰაგენს ხოჭოლავას შეძენა შარშანაც სურდა, თუმცა არ გამოვიდა. მას შემდეგ ქართველ მცველს აკვირდებოდნენ და სულ მალე თუ რაიმე გაუთვალისწინებელი არ მოხდა, 28 წლის მცველი დანიის 13 გზის ჩემპიონში გადავა.
ხოჭოლავა კოპენჰაგენამდე დონეცკის შახტარში თამაშობდა, რომლის ღირსებასაც 2017 წლის ზაფხულიდან იცავდა. ამ დროის მანძილზე უკრაინელთა მაისურით მან ქვეყნის ჩემპიონატი (3), თასი (2) და სუპერთასი მოიგო.