ჯორჯინა როდრიგესი, კრიშტიანუ რონალდუს შეყვარებული, მგზნებარედ ქომაგობდა თავის გმირს ბელგიასთან ევრო 2020-ის მატჩში, თუმცა პორტუგალიელებმა წააგეს (0:1) და ტურნირს დაემშვიდობნენ.
ჯორჯინამ თამაშის წინ ტვიტერში რამდენიმე ვიდეო გააზიარა, სადაც ის მეგობრებთან ერთად ცეკვა-თამაშობს. შემდეგ კი, ტრიბუნაზე ყოფნისას, დაკვირვებულმა პაპარაცებმა, მის ზურგზე პატარა მიკროფონი შენიშნეს, რომელიც ბიუსტჰალტერის უკანა ნაწილზე იყო მიმაგრებული. მიზეზი?
ჟურნალისტებმა გაარკვიეს, რომ Netflix დოკუმენტურ ფილმს იღებს ჯორჯინაზე და ალბათ ეს ეპიზოდიც შევა სიუჟეტში. ფილმს „ჯორჯინა“ ჰქვია.
