ჰოლანდის ეფექტი: ტანკი ბრუნდება…

ნორვეგიელი ერლინგ ჰოლანდი გამოჯანმრთელდა. დორტმუნდის მწვრთნელმა მარკო როზემ განაცხადა, რომ დიდი შანსია, ჰოლანდი გუნდს გაჰყვეს ვოლფსბურგთან მატჩისთვის: ეს შეხვედრა შაბათს გაიმართება…

 

როგორ დააკლდა დორტმუნდს და ნორვეგიის ნაკრებს, ეს კარგად გამოჩნდა: დორტმუნდი ჩემპიონთა ლიგის ჯგუფიდან ვერ გავიდა, ნორვეგიამ კი მუნდიალზე გასვლის შანსი დაკარგა.

 

გარდა ამისა, როზემ იმედი გამოთქვა, რომ ნორვეგიელი სრულიად მზად იქნება 4 დეკემბრისთვის. ამ დღეს დორტმუნდი ბაიერნს ეთამაშება.

 

და ტრანსფერი? ჰოლანდის აგენტმა მინო რაიოლამ ასეთი კომენტარი გააკეთა:

 

„კონკრეტულს ჯერ ვერაფერს გეტყვით. ზამთრის ტრანსფერზე საუბარი ნაადრევია. ჰოლანდს ესპანეთი უყვარს, სადაც სახლიც აქვს. მაგრამ ჯერ ადრეა ვარაუდი, თუ სად ითამაშებს მომდევნო სეზონში“.

Leave a comment

Your email address will not be published.