იანვრის სატრანსფერო ფანჯრის დროს ყველაზე დიდი თანხა ნიუკასლმა დახარჯა. ეს მოსალოდნელიც იყო… გუნდი ინგლისის პრემიერლიგაში საშიშ ზონაშია – ბოლოდან მესამე ადგილზე, ხოლო ფინანსური შესაძლებლობები ძალიან დიდი აქვს. ნიუკასლი ოქტომბერში იყიდა საუდის არაბეთის სახელმწიფო ინვესტიციების კონსორციუმმა. მათ კლუბის აქციების 80 % ჩაიბარეს.
აი, 10 კლუბი, რომლებმაც ყველაზე მეტი დახარჯეს იანვარში:
ნიუკასლი – 102,1 მილიონი ევრო
იუვენტუსი – 97,7
ბარსელონა – 55
ლივერპული – 45
ევერტონი – 37,5
ასტონ ვილა – 30
ტოტენჰემი – 29
ფიორენტინა – 28
ზენიტი – 27,15
უოტფორდი – 24,7
ეს კლუბები. კონკრეტულად ფეხბურთელებს რაც შეეხებათ, იანვარში ყველაზე მეტი გადაიხადეს სერბ დუშან ვლაჰოვიჩში. იუვემ ფიორედან 81,6 მილიონად იყიდა.