საფრანგეთის ქალაქ მონპელიეში სტარტი აიღო ATP-ის 250-იანთა კატეგორიის ტურნირმა. პირველივე წრეში დიდი სენსაცია დაფიქსირდა – 18 წლის არტურ ფისმა 7:5 7:5 სძლია გამოცდილ რიშარ გასკეს და 1/8 ფინალის საგზური მოიპოვა.
ორივე სეტის სტარტზე რიშარი ბრეიკიანი უპირატესობით გახლდათ წინ, თუმცა ორივე შემთხვევაში თინეიჯერმა ფრანგმა ჯერ უკუბრეიკი შეასრულა, ხოლო პარტიის მიწურულს გადამწყვეტი ბრეიკი.
18 წლის ფისმა ATP TOUR-ზე რიგით მეორე შეხვედრა ჩაატარა დაპირველი გამარჯვება მოიპოვა.
მსოფლიო რეიტინგის 163-ე ჩოგანი მშვენიერ სპორტულ ფორმაშია – 2023 წელს გამართული 11 მატჩიდან 10 აქვს მოგებული (მოიგო ოიერაშის ჩელენჯერი, კემპერეს ჩელენჯერზე ფინალი წააგო).
მონპელიეს ტურნირის 1/8 ფინალში არტურ ფისი რობერტო ბაუტისტა აგუტს დაუპირისპირდება.
