ზესტაფონმა ლიგა 4-ის შეხვედრაში მარგვეთს 2:1 მოუგო… საინტერესო აქ ისაა, რომ ჯაბა დვალი დაბრუნდა ფეხბურთში და გოლი გაიტანა. 36 წლის დვალმა შარშან დაასრულა კარიერა, მაგრამ გუნდს გაუჭირდა და აი, დაბრუნდა. თან, როგორ დაბრუნდა, 90 წუთი ითამაშა და გოლიც შეაგდო (პენალტით, მაგრამ გოლი გოლია).
დვალი ზესტაფონის გენერალური დირექტორია. ამავდროულად ყურადღებას აქცევს კლუბის აკადემიასაც, რომელიც როგორც იცით, თბილისის ზღვასთან ფუნქციონირებს.
ჯაბა დვალს საქართველოს უმაღლეს ლიგაში 127 გოლი აქვს გატანილი და ამ მაჩვენებლით ყველა დროის ბომბარდირებში მესამე ადგილზეა. ჩამორცება მხოლოდ ზურაბ იონანიძესა და ლევან ხომერიკს. განსაკუთრებით კარგი სეზონები ზესტაფონში, თბილისის დინამოსა და ბოლნისის სიონში ჰქონდა.
ზესტაფონს რაც შეეხება, ლიგა 3-ში გადასვლის კარგი შანსი აქვს. მიუხედავად იმისა, რომ წინა ორი თამაში წაგებული ჰქონდა.
