59 წუთში მოგებული ფინალი

ცინცინატის მასტერსის ფინალში ალექსანდრ ზვერევმა 59 წუთში 6:2 6:3 სძლია ანდრეი რუბლიოვს და კარიერაში მეხუთედ მოიგო 1000-იანთა კატეგორიის ტურნირი.

ისევე როგორც ოლიმიადის ფინალში კარენ ხაჩანოვის წინააღმდეგ, ზვერევმა ცინცინატის ფინალშიც კოსმოსური ჩოგბურთი ითამაშა – აწვდიდა იდეალურად, ისეთი სისწრაფით რომ მიღებაზე ანდრეიმ მხოლოდ 8 ქულა მოიგო, აქედან 4 ორმაგი შეცდომა გახლდათ.

მეორე ჩაწოდებაც საკმაოდ რისკიანი და სწრაფი იყო, რუბლიოვმა 46% საერთოდ ვერც კი დაამუშავა.

თავისმხრივ რუსმა ჩოგბურთელმა საკთარი ჩაწოდება ხუთჯერ წააგო და ამით ყველაფერი ნათქვამია.რუბლიოვისთვის უდიდეს პრობლემად იქცა მეორე ჩაწოდება – ანდრეი ნელა აწვდის, თუმცა ძლიერი ბრუნით ჭრის მარცხენა კუთხისკენ. ასეთი ჩაწოდების მიღება კი იდეალურად გამოსდის ზვერევს, გერმანელმა ასეთი გათამაშებების 87% მოიგო.

მატჩის მიმდინარეობისას ხანგრძლივ გათამაშებებში ზვერევი დომინირებდა – იყო უფრო აქტიური, სწრაფი, დომინანტი და ზუსტი.

59 წუთში მოგებული ფინალი ტურნირის ისტორიაში ყველაზე სწრაფი გამოდგა.

ჩოგბურთელთა ურთიერთშეხვედრათა ისტორიაში ანგარიში 5:0 გახდა, ზვერევს რუბლიოვთან სეტიც არ წაუგია.

საშამ ზედიზედ მე-11 მატჩი მოიგო ATP TOUR-ზე.

ზვერევმა კარიერაში მე-17 ტიტული მოიგო.

ზვერევმა კარიერაში მე-5 მასტერსი მოიგო და მოქმედ ჩოგბურთელთა შორის მხოლოდ დიდ ოთხეულს ჩამორჩება.

ნოვაკ ჯოკოვიჩი – 36

რაფაელ ნადალი – 36

როჯერ ფედერერი – 28

ენდი მარეი – 14

ალექსანდრ ზვერევი – 5

ზვერევი მსოფლიო რეიტინგში მე-4 ჩოგნობამდე დაწინაურდა და მესამე ადგილოსან ციციპასს მხოლოდ 110 ქულით ჩამორჩება.

Leave a comment

Your email address will not be published.