როგორ დაჩრდილა ომი ბურთმა

პოლიტიკა, პოლიტიკა, პოლიტიკა. დიდი ბიზნესი, უზარმაზარი, უშველებელი. წაიღეს რა ტვინი. ის სულ ტყუილია ფეხბურთს პოლიტიკასთან კავშირი არ აქვსო. აქვს და მერე როგორი. ანკი როდის არ ჰქონია. ეს ფეხბურთელებს და მწვრთნელებს რომ უნდათ კითხვაზე პასუხს თავი აარიდონ, მაშინ ამბობენ ჩვენ უბრალო ხალხი ვართ, ბურთს ვაგორებთ და პოლიტიკასთან შეხება არ გვაქვსო, თორემ სად გაგონილა კაცი ფერარიში იჯდეს,… Continue reading როგორ დაჩრდილა ომი ბურთმა

ესე იგი ყველაფერი კარგადაა!

ახალი წლის დადგომა ყოველთვის მიყვარდა, განსაკუთრებით ოთხ წელიწადში ერთხელ. ვინ მოთვლის რამდენჯერ დამითვლია: ახლა თოთხმეტის ვარ, შემდეგ ვიქნები თვრამეტის, მერე ოცდაორის, მერე ოცდაექვსის, ოცდაათის… ნეტავ რამდენს მოვესწრები? დიდხანს ცხოვრება იმისთვის მინდოდა, რომ ბევრ მსოფლიოს ჩემპიონატს მოვსწრებოდი. მარტო ამისთვის ცხადია არა, მაგრამ ეს ერთ-ერთი მთავარი მიზეზი იყო. იმ წლებში, როდესაც მსოფლიოს ჩემპიონატი იმართებოდა, განსაკუთრებით ბედნიერი ვიყავი.… Continue reading ესე იგი ყველაფერი კარგადაა!

VAR უსულო საგანია

ხვიჩას ბოლო ორ შეხვედრაში მონაწილეობა არ მიუღია. ამან საშუალება მომცა „გუშინდელ“, ცხელ, ემოციურ ამბავზე კი არ ვილაპარაკო, არამედ შევეხო თემას, რომელიც კარგა ხანია მაწუხებს. მაწუხებს და მაკვირვებს. მაგრამ, მაინც ხვიჩათი დავიწყოთ. ფეხბურთზე რასაც გინდა ამბობდე, კვარათი შეგიძლია დაიწყო. ტექნიკაზე გაქვს სათქმელი? ტაქტიკაზე? დრიბლინგზე? დარტყმაზე? პასზე? დაცვაზე? უხეშობაზე? VAR-ზე? გულშემატკივრის სიყვარულზე? დაიწყე ჩვენი ბიჭით და იქ… Continue reading VAR უსულო საგანია

14 დღე… სადაა მოლოდინი?

ხალხი იმ დროს შვებულების აღებაზე ერთმანეთს ასწრებდა; ახალ ტელევიზორს ყიდულობდა; წინასწარ გეგმავდა, რომელ დღეს სად ენახათ თამაშები. დრო შეიცვალა, ახლა წინასწარ ვერაფერს დაგეგმავ, ცხოვრებაა სხვანაირი… მაგრამ მარტო ეს არაა მიზეზი. 14 დღე, 2 კვირა – მსოფლიო ჩემპიონატი სადაცაა დაიწყება და გრძნობთ მოლოდინს? ჯერ ისევ საკლუბო ფეხბურთს მიაქვს ყველაფერი, ნიუკასლს პულიშიჩი სურს, ასენსიო ახალ კონტრაქტთან ახლოსაა…… Continue reading 14 დღე… სადაა მოლოდინი?

გაშალეთ თითები, არ გინდათ ნიჩურტა

რა მინდა იცით, გითხრათ? დიეგო მარადონამ 1986 წლის მსოფლიოს ჩემპიონატზე, მეოთხედფინალში, მთელი ინგლისის ნაკრები რომ მოატყუა და გოლი გაიტანა ხომ გახსოვთ? ვინც მაშინ დაბადებული არ იყო ან პატარა იყო, მას ჩანაწერი მაინც ექნება ნანახი. მოკლედ, ის მომენტი ყველამ ვიცით და ყველა ვთანხმდებით, რომ ეს იყო გენიოსის გაბრწყინება. სიტყვა გენიოსი ტყუილად არ მიხსენებია. თან, ძველი მნიშვნელობით… Continue reading გაშალეთ თითები, არ გინდათ ნიჩურტა

სხვანაირები, მათ შორის მამარდა

„…ეგრე არ არის საქმე. ჩვენი პროფესია რთულია. დაფიქრება, სერიოზული დაფიქრება უნდა. აი, ქვა თიხა კი არ არის. დაარტყამ?! ვერ გაამთელებ, ძმაო…“ შეცდომა ყველას მოუვა: მათემატიკოსი რაღაცას სწორად ვერ ამოხსნის, დამლაგებელს მტვრიანი ადგილი გამორჩება, მხატვარი ფერს ვერ შეარჩევს სწორად, ვულკანიზატორი საბურავს გაგიბერავს ზედმეტად, მზარეულს საჭმელში ოხრახუში დაავიწყდება, მეკარე კი გოლს გაუშვებს და წააგებ. შედგება მერე ზურგზე… Continue reading სხვანაირები, მათ შორის მამარდა

კვარა, ბესტი და ძველი ქართველი ვარსკვლავები

დააკვირდით, უკვე რამდენჯერ შეადარეს ხვიჩა კვარაცხელია ჯორჯ ბესტს? თუ არ მეშლება, ყველაზე ხშირად სწორედ ბესტს ადარებენ. ამას, რასაკვირველია უცხოელები აკეთებენ, რადგან ქართველებს ჩვენი სამყარო და ჩვენი კრიტერიუმები გვაქვს. იმას კი არ ვამბობ, რომ ქართული სამყარო და კრიტერიუმები ცუდია, უბრალოდ განსხვავებულია. განსხვავებულია მიზეზთა გამო. ჩვენ საბჭოთა კავშირში ვიყავით ჩაკეტილები, ივანოვს, ვორონინს, სტრელცოვს და ბლოხინს ვეჯიბრებოდით. ძალიანაც… Continue reading კვარა, ბესტი და ძველი ქართველი ვარსკვლავები

ვაი-ვიშს მოუკვდა პატრონი!

როგორ ატყობთ, ხვიჩა კვარაცხელიას რომელიმე მეტოქის ეშინია? პირიქით, მეტოქეებს ეშინიათ კვარაცხელიასი. მამარდას, რომელსაც საუკეთესო უცხოელი ვარსკვლავებით გაძლიერებული ესპანელები ყოველ დღე კარში ურტყამენ, ეშინია ვითომ ესპანელების? გამორიცხულია. პატარა აბრეზას, ზურიკო დავითაშვილს საერთოდ შიშისა ეტყობა რამე? სიხარულით შევარდება ხოლმე ნებისმიერ ბრძოლაში, ორომტრიალი სიამოვნებს. და არის ფეხბურთში ისეთი რაღაც რაც გურამ კაშიას კარიერაში არ უნახავს? — ნეტავ, რის… Continue reading ვაი-ვიშს მოუკვდა პატრონი!

თამაში თუ სამსახური

დღეს საითაც გაიხედავ ყველგან კვარაცხელიაა. მასზე წერენ, ლაპარაკობენ, მას ხატავენ, მის ჩანაწერებს უყურებენ. რა თქვა, როგორ იმღერა, ვინ არის მისი შეყვარებული, რას ჭამს, როგორ მისცა ბავშვებს მანქანიდან ავტოგრაფი. როგორ შეხტა ტრიბუნაზე ვიღაც რიგითი ნეაპოლელი ხვიჩამ გოლი რომ გაიტანა. რა თქვეს კაპელომ, დელ პიერომ, კასანომ, ლენტინიმ, ცნობილმა თუ უცნობმა ჟურნალისტებმა, მენეჯერებმა, აგენტებმა, კინოს მსახიობებმა. რა დაუძახა… Continue reading თამაში თუ სამსახური

საქართველოს ნაკრების სადავო ფორმულა

ვიცი, საქართველოში ზეიმის დროა, რადგან ჩვენმა ნაკრებმა ერთა ლიგის ჯგუფში გაიმარჯვა და C-დან B საფეხურზე აინაცვლა. მე ისიც ვიცი, რომ გუნდი ევრო 2024-ის ალტერნატიული შესარჩევის ნახევარფინალში გავიდა, სადაც ყაზახეთს უმასპინძლებს. ახლა მოუთმენლად ველი 9 ოქტომბერს, ტრადიციული შესარჩევის წილისყრას. როგორც ყველა ქართველი ვფორიაქობ, მომავალს იმედით ვუყურებ. კიდევ, მე ვიცი, რომ საქართველოს ნაკრებმა ზედიზედ 11 შეხვედრაში არ… Continue reading საქართველოს ნაკრების სადავო ფორმულა