ტოკიოს ოლიმპიადაზე გრძელდება საკალათბურთო ტურნირი. პირველ 1/2 ფინალში ერთმანეთს ა.შ.შ-ს და ავსტრალიის ნაკრებები დაუპირისპირდნენ.
ამერიკელებს უკანასკნელი 2 ტესტ მატჩი წაგებული ქონდათ „ოზებთან“, რაც ინტრიგას უფრო ზრდიდა.
შეხვედრის სტარტი ავსტრალიას ბრწყინვალე გამოუვიდა – შეტევაშიც და დაცვაშიც ისინი ბევრად უკეთესად გამოიყურებოდნენ.
ორმაგი დაცვა და სათამაშო ტემპის ხშირი ცვლილება ძალიან კარგად „მუშაობდა“ ამერიკელთა წინააღმდეგ.
ავსტრალია პირველი ტაიმის განმავლობაში 50%-იანი სიზუსტით ისროდა(26-დან 13) და დიდ შესვენებამდე 3 წუთით ადრე მათი ჰანდიკაპი უკვე 13 ქულას შეადგენდა – 44:31.
დარჩენილ მცირე დროში ნბა-ს ვარსკვლავთა ნაკრები გამოფხიზლდა, 11:1 გაქცევა მოაწყო და პირველი ტაიმი მხოლოდ 3 ქულით წააგო 42:45.
მესამე მეოთხედში პარკეტზე გაბრაზებული „დრიმ თიმი“ დაბრუნდა, რომელმაც უბრალოდ წალეკა მეტოქე.
„ოცნების გუნდის“ რიგებში ბრწყინავდნენ კევინ დურანტი და ჯრუ ჰოლიდეი. დევინ ბუკერმა 5 წუთის განმავლობაში 10 ქულა აიღო და ამერიკა მეტოქეს 32:10 გაექცა.
მეოთხე მეოთხედის წინ ა.შ.შ-ს ჰანდიკაპი +19-ს შეადგენდა, რამაც მატჩს ყველანაირი ინტრიგა დაუკარგა.
გრეგ პოპოვიჩის გაწვრთნილმა გუნდმა იოლად მიიყვანა შეხვედრა ლოგიკურ გამარჯვებამდე 97:78 და ოლიმპიადის ფინალის საგზური მოიპოვა.
მატჩის საუკეთსო მოთამაშე კევინ დურანტი გახდა, რომლის ანგარიშზეც 23 ქულა და 9 მოხსნა გახლდათ. 20 ქულა დააგროვა დევინ ბუკერმა, სამმაგ დუბლამდე მცირედი დააკლდა ჯრუ ჰოლიდეის – 11 ქულა+8 მოხსნა+8 პასი.
ავსტრალიელთა რიგებში საუკეთესო პატ მილსი გახლდათ, რომელმაც 15 ქულა დააგროვა, თუმცა უმეტესობა სწორედ მაშინ დააგროვა როდესაც მატჩის ბედი უკვე გადაწყვეტილი იყო(ამერიკელებთან მოგებულ წინა 2 შეხვედრაში ჯამში 55 ქულა ქონდა აღებული).
ოლიმპიადის ფინალში ა.შ.შ-ს ნაკრები სლოვენია/საფრანგეთს შორის გამარჯვებულს შეხვდება