საქართველოს ნაკრების მცველი ლუკა ლოჩოშვილი Fifa Fair Play 2022-ის გამარჯვებული გახდა. ლოჩოშვილი საუკეთესოდ ფიფას მიმდინარე ყოველწლიურ დაჯილდოებაზე გამოაცხადეს.
ლოჩოშვილმა ავსტრიის ჩემპიონატის რიგითი ტურის თამაშისას, სადაც მისი იმჟამინდელი გუნდი ვოლფსბერგერი ვენის აუსტრიას ხვდებოდა, მეტოქე გუნდის ფეხბურთელი გადაარჩინა. მოთამაშემ გონება დაკარგა, რის შემდეგაც პირველადი აუცილებელი დახმარება სწორედ ლოჩოშვილმა გაუწია.
შეგახსენებთ, რომ ლოჩოშვილი იტალიური კრემონეზეს ფეხბურთელია. საქართველოს ნაკრებში მის ანგარიშზე 5 მატჩია.