NBA-მ გასული კვირის საუკეთესო მოთამაშეები დაასახელა აღმოსავლეთ და დასავლეთ კონფერენციებიდან.
აღმოსავლეთ კონფერენციაში საუკეთესოდ „ბოსტონის“ ფორვარდი ჯეისონ ტეიტუმი დასახელდა. „სელტიქსმა“ გასულ კვირას სამიდან სამი მატჩი მოიგო, მსუბუქი ფორვარდი კი საშალოდ მატჩში 31.3 ქულას, 7.3 მოხსნას და 4 შედეგიან გადაცემას აგროვებდა.
დასავლეთ კონფერენციაში საუკეთესო „მინესოტას“ ცენტრი – კარლ ენტონი თაუნსი გახდა. „თიმბერვულვზმაც“ სამიდან 3 მატჩი მოიგო, CAT-ის ანგარიშზე კი საშალოდ მატჩში 28 ქულა, 7 მოხსნა და 4.5 გადაცემა იყო.
ამ მომენტისთვის „ბოსტონსაც“ და „მინესოტასაც“ 15 მოგება და 15 წაგება აქვს სეზონის სტარტის შემდეგ. „სელტიქსი აღმოსავლეთში მეშვიდე პოზიციაზეა, „თიმბერვულვზი“ კი დასავლეთში მერვეა.